Íslendingar stofna þjónustuvef í London

Nú fyrir skömmu stofnuðu félagarnir Róbert Aron Magnusson og Heiðar Hauksson þjónustuvef fyrir þá er hyggja að heimsækja London. Þeir kalla vefinn 2doinlondon.com, en bæði Róbert og Heiðar eru búsettir þar í borg. 

Vefurinn sérhæfir sig í alhliða þjónustu fyrir þá er heimsækja London, hvort sem það er að útvega miða á tónleika, knattspyrnuleiki, leikhús, klúbba eða bóka borð á flottustu veitingastaðina.

 

Fyrirtækið hefur einnig sett á laggirnar pakkaferðir í samstarfi við Iceland Express og eru nú þegar í boði ferðir á tónleika Rihönnu í Hyde Park, Global Gathering-tónlistarhátíðina, tónleika Madonnu ásamt fjölda fleiri viðburða.

Nánari upplýsingar um hvað er í boði hverju sinni er að finna inná heimasíðu fyrirtækisins.