Minnisblaðið var kynning á tilhögun félags Nubo

Minnisblað, sem lagt var fyrir ríkisstjórn og Ögmundur Jónasson innanríkisráðherra telur að hafi falið í sér ívilnun fyrir Huang Nubo, var í raun kynning á ákvörðun sem þegar hafði verið tekin í efnahagsráðuneytinu um tilhögun íslensks félags í eigu Kínverjans. Þetta kemur fram í minnisblaðinu sem fréttastofan hefur undir höndum.

Ögmundur Jónasson, innanríkisráðherra, fullyrðir að ríkisstjórnin hafi á fundi hin 12. júní sl. tekið ákvörðun um að veita Huang Nubo ívilnun vegna uppbyggingar á Grímsstöðum á Fjöllum.

Áform um langtímaleigu Kínverjans á jörðinni hefur valdið nokrum deilum í samfélaginu, en Ögmundur vill að ríkisstjórnin endurskoði fyrri ákvörðun sína í málinu.

Fleiri hafa látið sig málið varða. Lilja Mósesdóttir þingmaður krafðist þess á Facebook að í nafni gegnsæis fengi þjóðin allar upplýsingar úr fundargerðum ríkisstjórnarinnar um að veita Nubo ívilnun.

Ríkisstjórnin hefur hins vegar enga ákvörðun tekið í málínu. Þetta kemur skýrt fram í minnisblaði sem lagt var fram á fundinum hinn 12. júní sl. og fréttastofan hefur undir höndum.

Í minnisblaðinu, sem er aðeins kynning á ákvörðun sem þegar hafði verið tekin í efnahags- og viðskiptaráðuneytinu, þar sem óskað var eftir undanþágu frá tilteknum formskilyrðum við stofnun íslensks einkahlutafélags í eigu Nubo. Í lögunum var gerð krafa um að einn stofnenda félags og helmingur stjórnarmanna skuli búsesttir hér.

Ráðuneytið tók erindið til ítarlegrar skoðunar en í ljósi víðtækrar undanþágu sem þegar er í gildi taldi ráðuneytið ekki mögulegt að hafna erindinu.

Fram að ráðuneytið hafi í öllum tilvikum fallist á að veita undanþágur hafi verið eftir því sóst. Hafi þær verið veittar til kínverskra ríkisborgara og mikilvægt að gæta að jafnræði við afgreiðslu mála enda hefði annars komið upp misræmi í stjórnsýslu sem erfitt hefði verið að rökstyðja.