Alls 27.723 viðskipti í Ávöxtunarleiknum

Alls eru 3.156 skráðir til leiks í Ávöxtunarleik Keldunnar. Þeir hafa átt 27.723 viðskipti. Hlutabréfin virðast heilla spilara en mest hefur verið skipt með bréf í Össuri (OSSRu).

Þar á eftir koma Iceland Air (ICEAIR), Hagar (HAGA), Reginn (REGINN) og Marel (MARL).

Þá hafa margir spilarar fjárfest í gjaldeyri og virðist evran (EUR) höfða til spilara. Þar á eftir kemur svissneski frankinn og Bandaríkjadollarar.

Þegar kemur að sjóðunum hafa Alþjóða hlutabréfasjóður Íslenskra verðbréfa og Alþjóðar vaxtasjóður Íslandssjóða vinninginn.

Sjötíu og fimm prósent þátttakenda eru karlar. Um 40 prósent spilara eru á aldursbilinu 25 til 34 ára — 25 prósent á bilinu 18 til 24 ára.

Hægt er að nálgast Ávöxtunarleikinn á viðskiptavef Vísis eða með því að smella hér.