Öllu starfsfólki LA sagt upp

Leikfélag Akureyrar hefur sagt upp öllu starfsfólki sínu frá og með 1. apríl. Sigrún Björk Jakobsdóttir, stjórnarformaður Leikfélagsins, segir að þetta sé gert í ljósi þess að ekki hafi náðst samningar við Akureyrarbæ um reksturinn.

„Það er verið að vinna í samningum og vonandi ganga þeir upp og við getum ráðið þetta starfsfólk að nýju. En í ljósi aðstæðna töldum við ekki annað skynsamlegt,“ segir Sigrún Björk.

Hún segir að verið sé að vinna í samningum og vonandi verði hægt að ráða aftur í störfin sem fyrst. „Þetta er sorglegt en nauðsynlegt í ljósi aðstæðna,“ ítrekar Sigrún Björk.