440 milljóna sekt lögð á Símann

Samkeppniseftirlitið hefur ákveðið að leggja 400 milljóna króna sekt á Símann, en eftirlitið komst að þeirri niðurstöðu í dag að Síminn hafi misnotað markaðsráðandi stöðu sína og brotið gegn samkeppnislögum og EES samningnum með því að beita keppinauta sína samkeppnishamlandi verðþrýstingi. Þá er 50 milljón króna sekt lögð á aukalega fyrir ranga og misvísandi upplýsingagjöf í málinu.

Í tilkynningu frá Samkeppniseftirlitinu segir að verðþrýstingur felist í aðalatriðum í því að markaðsráðandi fyrirtæki stjórni framlegð á milli heildsölusstigs og smásölustigs í meðal annars þeim tilgangi að gera nýjum keppinautum erfiðara fyrir að ná fótfestu á smásölumarkaði. Í slíku tilviki sé viðkomandi fyrirtæki markaðsráðandi á heildsölustigi og starfi einnig á tengdum smásölumarkaði.