Þá er formlegri úthlutun lokið hjá SVFR. Því miður, eins og alltaf, fengu ekki allir félagsmenn úthlutað á A-leyfin sín og þess vegna vill starfsfólk SVFR reyna að finna leyfi fyrir þessa félagsmenn úr þeim leyfum sem eftir eru áður en þau fara í almenna sölu.
Það var mikið sótt um sömu svæðin en líklega óhætt að fullyrða að sjaldan hafi komið jafn margar umsóknir inn fyrir Elliðaárnar. En þar sem þetta eru mörg hálfdagsleyfi gerist það alltaf að einhverjir geta ekki nýtt sér dagana og þá fer í gang ansi líflegur skiptimarkaður inná spjallsíðum SVFR.
Mikið var líka sótt um í Soginu, þá sérstaklega Bíldsfelli, og má reikna með að öll leyfin hafi farið út. Það hefur oft verið þannig að á hverju ári hafa nokkrir dagar verið eftir en þeir sem hafa stílað á það verða líklega að leita annað. Yfirleitt eru dagar lausir á Alviðru og Ásgarði og þau svæði gefa líka góða veiði. Alviðran hefur gefið minna síðustu ár en það svæði hefur líka suma dagana verið óselt nokkra daga í röð.
Úthlutun lokið hjá SVFR
