Eignir fjármálafyrirtækja lækkuðu um 102 milljarða

Heildarfjármunaeign fjármálafyrirtækja á öðrum ársfjórðungi ársins nam 8.420 milljarða kr. og lækkaði um 102 milljarða kr. frá fyrsta ársfjórðungi.

Eign fjármálafyrirtækja í seðlum og innstæðum lækkaði um 212 milljarða kr. og verðbréfaeign önnur en hlutabréf hækkuðu um 150 milljarða kr. á sama tíma.

Þetta kemur fram í hagtölum Seðlabankans. Þar segir að fyrirtæki í slitameðferð séu ekki með í þessum tölum og þær endurspegli einungis fjármálafyrirtæki með starfsleyfi.