Ölgerðin endurnýir bílaflotann

Ölgerðin hefur fengið afhenta þrjá Mercedes-Benz Actros flutningabíla. Ölgerðin mun endurnýja bílaflota sinn all verulega á næstunni og á næstu vikum fær fyrirtækið fjóra Actros bíla til viðbótar og tvo metanknúna Sprinter bíla.

„Við völdum Mercedes-Benz eftir að hafa vegið og metið marga þætti, meðal annars verð bílanna, rekstrarkostnað og ekki síst endursöluverð. Við mátum Mercedes-Benz sem hagstæðasta kostinn fyrir okkur þegar við skoðuðum heildarkostnað á 5 ára tímabili," segir Gunnlaugur Einar Briem, framkvæmdastjóri vörustjórnunarsviðs hjá Ölgerðinni, í fréttatilkynningu.

Gunnlaugur segir að bílstjórar Ölgerðarinnar séu afar spenntir að fá þessa bíla. „Ölgerðin hefur ætíð lagt mikinn metnað í góðan aðbúnað fyrir ökumenn þar sem ökutæki eru þeirra vinnuaðstaða," bætir Gunnlaugur við.