Sagt er frá þessu á vef Reykjavíkurborgar sem hefur fimm daga til umráða í Elliðaánum í sumar. Þar af veiði borgarstarfsmenn og "hvunndagshetjur" í þrjá daga.
"Áður voru þessir dagar notaðir af borgarfulltrúum, gestum Orkuveitu Reykjavíkur og fyrrverandi borgarstjórum. Nú er hafður sá háttur á að starfsmenn Reykjavíkurborgar eru hvattir til þess að benda á dugmikla samstarfsmenn sína og hefur það mælst afar vel fyrir," segir á reykjavik.is.
Veiðimenn borgarinnar á föstudag nutu aðstoðar frá félögum í Stangaveiðifélagi Reykjavíkur sem síðan fær tvo daga af áðurnefndum fimm fyrir barna- og unglingastarf félagsins.
gar@frettabladid.is
