Segir Japani geta lært af Íslendingum

Japanir geta lært mikið af skipulagi sjávarútvegsmála á Íslandi. Þetta segir Dr. Masayuki Komatsu, prófessor í Japan og ráðgjafi japanskra stjórnvalda á sviði sjávarútvegsmála til margra ára.

Komatsu hélt fyrirlestur í Háskóla Íslands í síðustu viku og fjallaði um hvort framseljanlegar aflaheimildir gætu hjálpað japönskum sjávarútvegi. Hann sagði að japanskur sjávarútvegur væri of háður styrkjum sem standa í vegi fyrir framþróun í greininni.

„Óstjórn hefur einkennt japanskan sjávarútveg undanfarin ár," sagði Komatsu. „Stjórnvöld styrkja sjávarútveginn um upphæð sem nemur þriðjungi af veltu greinarinnar."



Þetta kom fram á vef LÍU.