Matthías Imsland, framkvæmdastjóri flugrekstrarsviðs Wow air, hefur látið af störfum hjá félaginu, að því er fram kemur á vef Viðskiptablaðsins. Starfslokin eru að frumkvæði Matthíasar sjálfs.
Matthías var ein helsta driffjöðurinn að stofnun Wow air en hann var áður forstjóri Iceland Express. Á fréttavefnum Pressunni er meðal annars bent á að Matthías hafi verið á meðal hluthafa í WOW.
Skúli Mogensen, eigandi WOW, keypti fyrr í vikunni allan rekstur Iceland Express og sagði þá viðbúið að eitthvað starfsfólk myndi missa vinnuna.
Þegar Skúli tilkynnti starfsfólki WOW í morgun um starfslok Matthíasar fór hann fögrum orðum um hann.
Matthías Imsland hættur hjá WOW
