Enn eitt farþegametið hjá Icelandair

Icelandair setti enn eitt farþegametið í maí s.l. Þá flutti félagið yfir 165 þúsund farþega í millilandaflugi og voru þeir 22% fleiri en í maí á síðasta ári. Sætanýting nam 82,2% og jókst um 5,0 prósentustig á milli ára.

Þetta er metfjöldi farþega og besta sætanýting félagsins í maí mánuði frá upphafi, að því er segir í tilkynningu. Farþegum fjölgaði mest á N-Atlantshafsmarkaðinum eða um 31%. Aukningin á ferðamannamarkaðinum til Íslands nam 26%, þar af jókst fjöldi ferðmanna frá N-Ameríku um 58%.

Farþegar í innanlandsflugi og Grænlandsflugi voru um 29 þúsund í maí sem er hækkun um 9% á milli ára.