Nauðsynlegt að rifta samningi um kísilverksmiðju

Magnús Garðarsson forstjóri Íslenska kísilfélagsins og Tomahawk Development segir að félögin hafi neyðst til að segja upp samningi sínum við Globe Specialty Metals um byggingu kísilverksmiðju í Helguvík.

Bloomberg greindi frá málinu fyrr í dag. Í yfirlýsingu frá Magnúsi segir að samningnum hafi verið rift vegna vanefnda Globe Specialty Metals á samningnum. Magnús segist harma þessi málalok, sérstaklega í ljósi þess að samstarfið hafi gengið vel þangað til í janúar á þessu ári.

Til að geta haldið verkefninu gangandi hafi þeir hinsvegar verið nauðbeygðir til að rifta samningnum.