Virði Smáralindarinnar 4,5 milljarðar króna

Virði Smáralindarinnar er um 4,5 milljarðar króna samkvæmt verðmiðanum sem settur var á fasteignafélagið Reginn þegar Landsbankinn seldi 75 prósent hlut í félaginu í byrjun vikunnar. Bankastjóri Landsbankans segist sáttur við hvernig útboðið gekk.

Smáralindin er stærsta eign fasteignafélagsins Regins en hún vegur um 45 prósent í heildareignasafni félagsins. Aðrar  Miðað við það verð sem fékkst fyrir 75 prósent hlut í félaginu, 7,9 milljarða króna, er virði Smáralindarinnar um 4,5 milljarðar króna, og félagsins í heild tæplega 10 milljarðar. Félagið verður tekið formlega til viðskipta í Kauphöll Íslands 2. júlí næstkomandi.

Steinþór Pálsson, bankastjóri Landsbankans, segist ánægður með hvernig til hafi tekist með sölunni. „Þetta er jákvætt skref á alla vegu [...] Fyrir bankinn skiptir þetta miklu máli þar sem við höfum lagt á það áherslu að selja frá okkur eignir sem ekki tengjast kjarnastarfsemi bankans, og þetta er nokkuð stór biti sem farinn er frá okkur við þetta."

Samkvæmt því sem greint var frá í útboðslýsingu vegnar skráningar Regins, mun Landsbankinn eiga 25 prósent hlut í félaginu í a.m.k. 10 mánuði eftir að félagið verður skráð á markað.