Áfram fjör á fasteignamarkaðinum

Fjöldi þinglýstra kaupsamninga á höfuðborgarsvæðinu í síðustu viku var 123. Til samanburðar hefur 116 samningum verið þinglýst að meðaltali á viku undanfarna þrjá mánuði.

Þetta kemur fram á vefsíðu Þjóðskrár Íslands. Þar segir að af þessum 123 samningum voru 93 samningar um eignir í fjölbýli, 23 samningar um sérbýli og 7 samningar um annars konar eignir en íbúðarhúsnæði.

Heildarveltan var 4,6 milljarðar króna og meðalupphæð á samning 37,5 milljónir króna. Heildarveltan er milljarði króna meiri en nemur vikumeðaltalinu undanfarna þrjá mánuði og meðalupphæð á samning er rúmlega 6 milljónum kr. hærri en fyrrgreint meðaltal.