Vikuveltan á fasteignamarkaði borgarinnar 3,9 milljarðar

Fjöldi þinglýstra kaupsamninga á höfuðborgarsvæðinu í síðustu viku var 108. Þar af voru 73 samningar um eignir í fjölbýli, 26 samningar um sérbýli og 9 samningar um annars konar eignir en íbúðarhúsnæði.

Heildarveltan var 3,9 milljarðar króna og meðalupphæð á samning 36 milljónir króna. Þetta kemur fram á vefsíðu Þjóðskrár Íslands.

Meðalupphæð á samning er með því hæsta sem sést hefur frá hruni en til samanburðar má nefna að meðalupphæðin á viku undanfarna þrjá mánuði nemur 30,6 milljónum kr.

Fjöldi samninga er hinsvegar ívið undir meðtalinu á viku undanfarna þrjá mánuði sem er 110 samningar.