Samherji hagnaðist um 8,8 milljarða króna

Útgerðarfyrirtækið Samherji hagnaðist um 8,8 milljarða króna á síðasta ári, að meðtalinni afkomu dótturfélaga, en það er besta afkoma í sögu félagsins. Um 60 prósent af starfsemi fyrirtækisins, og dótturfélaga þessa, er utan Íslands en Samherji er með starfsemi í ellefu löndum og gera dótturfélög þess upp í 8 mismunandi gjaldmiðlum.

Þetta kemur fram í tilkynningu sem Samherji hefur birt á vefsíðu sinni.

Í henni segir að fyrirtækið hefur ekki fengið neina leiðréttingu á lánum eða niðurfellingu á skuldum frá neinni fjármálamálastofnun. Þá er segir að Samherji greiði næst hæst opinber gjöld af öllum fyrirtækjum á Íslandi, sé tekið tillit til veiðigjalda.

Í tilkynningu frá Samherja koma eftirfarandi upplýsingar fram, um rekstur fyrirtækisins í fyrra.

„Hagnaður ársins nam 8,8 milljörðum króna. Um er að ræða bestu afkomu í sögu samstæðunnar.

Hagnaður Samherja og dótturfélaga fyrir skatta var 11 milljarðar króna.

Rúm 60% af starfsemi Samherja er erlendis.

Félög samstæðunnar starfa í 11 löndum og gera upp í 8 mismunandi gjaldmiðlum.

Öll erlend dótturfélög samstæðunnar eru skattlögð í ríkjum Evrópusambandsins eða Kanada.

Í níu af þeim tíu löndum sem erlend dótturfélög Samherja starfa er reksturinn fjármagnaður hjá erlendum fjármálastofnunum.

Samherji hefur hvorki fengið niðurfellingu né endurútreikning á nokkru láni hjá íslenskum fjármálastofnunum.

Samherji er næst hæsta fyrirtækið í hópi greiðanda opinberra gjalda á Íslandi, sé tekið tillit til veiðigjalds sem ekki er inni í tölum Ríkisskattstjóra um álagningu opinberra gjalda.

Ekki kom til þess einn einasta dag á árinu 2011 að Atvinnutryggingasjóður þyrfti að greiða einhverjum af 350 starfsmönnum í landvinnslu félagsins á Eyjafjarðarsvæðinu laun vegna hráefnisskorts."

Sjá má vefsíðu Samherja hér.