Gistinóttum á Íslandi fjölgar um 14%

Gistinóttum á hótelum á Íslandi fjölgaði um 14% í september, miðað við sama mánuð í fyrra. Gistinætur á hótelum í september voru 156 þúsund nú í september samanborið við tæp 137 þúsund í september í fyrra. Gistinætur erlendra gesta voru um 82% af heildarfjölda, en gistinóttum þeirra fjölgaði um 15% samanborið við september í fyrra. Á sama tíma voru gistinætur Íslendinga 11% fleiri en árið áður. Fram kemur á vef Hagstofunnar að gistinóttum á hótelum fjölgaði í öllum landshlutum.