Nýr vefur um viðskipti með fyrirtæki

Nýr vefur www.fyrirtaekjakaup.is hefur verið opnaður. Hann er vettvangur fyrir sölu og kaup á litlum og meðalstórum fyrirtækjum og er lifandi markaðstorg þar sem kaupendum og seljendum fyrirtækja er þjónað á hagkvæman og ábyrgan hátt af fagfólki.

Í tilkynningu segir að vefurinn er samstarfsverkefni Investis fyrirtækjaráðgjafar og fasteignasölunnar Fasteign.is sem eru rótgróin fyrirtæki á þessum markaði með reynslu af miðlun fyrirtækja, rekstrareininga og fasteigna.

„Með samstarfi þessara tveggja fyrirtækja er ætlunin að þjóna eigendum fyrirtækja enn betur við sölu og kaup á fyrirtækjum, verðmötum, söluskýrslum og leit að kaupendum. Nú þegar býður vefurinn fram fjölda tækifæra fyrir seljendur og kaupendur fyrirtækja," segir í tilkynningunni.