Aukinn slóðaskapur við ársreikningaskil

Um 34% skráðra félaga hafa skilað inn ársreikningum samkvæmt lögum þar um. Þetta kemur fram í samantekt CreditInfo.

Á sama tíma í fyrra höfðu um 41% fyrirtækja skilað inn ársreikningi. Samkvæmt lögunum ber skráðum hlutafélögum að skila inn ársreikningi til Ríkisskattstjóra eigi síðar en 8 mánuðum eftir lok reikningsárs en sérstakar og þrengri reglur gilda um félög sem eru skráð á opinberu verðbréfaþingi. Samkvæmt reglugerð skal almenningur síðan hafa aðgang að ársreikningunum.

Í dag, 1. október 2012, hefur 11.471 félag skilað inn ársreikningi fyrir rekstrarárið 2011 til Ríkisskattstjóra eða um 34% skilaskyldra fyrirtækja. Skilafrestur rann út þann 31. ágúst síðastliðinn. Til samanburðar má geta þess að þann 1. október 2011 höfðu 13.471 af 32.912 skráðum félögum skilað inn ársreikningi fyrir rekstrarárið 2010 eða um 41% fyrirtækja. Af þessum tölum má ráða að þróun ársreikningsskila 2012 sé talsvert lakari en hún var árið 2011