Telur stöðumat Bjarna fela í sér hrapalleg mistök

Einhver hrapallegustu utanríkispólitísku mistök þjóðarinnar fram til þessa voru kolrangt stöðumat í viðræðum við Bandaríkjamenn um framhald varnarviðbúnaðar hér, sem endaði með því að þeir fóru með öllu, segir Þorsteinn Pálsson, fyrrverandi ráðherra í vikulegum pistli sínum í helgarblaði Fréttablaðsins.

Þorsteinn segir að verði stöðumat formanns Sjálfstæðisflokksins í peningamálum ofan á nú munu þau mistök taka hinum fram, en Bjarni Benediktsson sagði í spjallþættinum Klinkinu um síðustu helgi að að hann myndi gera hlé á aðildarviðræðum við Evrópusambandið kæmist Sjálfstæðisflokkurinn í ríkisstjórn og ekki halda þeim áfram fyrr en eftir þjóðaratkvæðagreiðslu.

Bjarni sagði jafnframt að fyrir slíka þjóðaratkvæðagreiðslu myndi hann beita sér fyrir því að aðildarviðræðum yrði slitið.