Formaður rannsóknarnefndar um Sparisjóðina hættir

Formaður rannsóknarnefndar Alþingis sem átti að vinna skýrslu um Sparisjóðina, hefur verið leystur frá störfum. Formaður nefndarinnar er Sigríður Ingvarsdóttir héraðsdómari.

Samkvæmt útvarpsfréttum RÚV baðst hún lausnar bæði vegna þess að hún fékk ekki lengra leyfi frá störfum sem héraðsdómari, en að auki segir hún í viðtali við RÚV að óeining hafi verið innan nefndarinnar en ásamt Sigríði sitja þau Bjarni Frímann Karlsson, lektor við viðskiptafræðideild Háskóla Íslands og Tinna Finnbogadóttir hagfræðingur.

Nefndin átti að skila af sér í júní síðastliðnum en vegna þess að verkefnið reyndist umfangsmeira en í upphafi var talið var nefndinni veittur frestur. Nefndin heyrir undir forseta Alþingis, en Ásta Ragnheiður Jóhannesdóttir, forseti Alþingis, segir útséð að skýrslunni verði ekki skilað fyrir áramót.