Gunnhildur Arna ráðin upplýsingafulltrúi Símans

Gunnhildur Arna Gunnarsdóttir er nýr upplýsingafulltrúi Símans. Hún hefur undanfarið starfað sem blaðamaður á Fréttatímanum. Hún er fyrrum ritstjóri og fréttastjóri dagblaðsins 24 stunda, kvöldfréttastjóri á Morgunblaðinu og blaðamaður og vaktstjóri á Fréttablaðinu. „Ég hlakka líka til að takast á við nýjan starfsvettvang hjá fyrirtæki sem hefur fylgt þjóðinni í meira en öld. Fyrirtæki sem þarf samt alltaf að vera á tánum því fátt breytist hraðar en fjarskiptamarkaðurinn," segir Gunnhildur. Gunnhildur tekur við starfinu af Margréti Stefánsdóttur sem hefur ákveðið að söðla um og taka þátt í rekstri Íslandsfunda, ferðaþjónustufyrirtækis í eigu fjölskyldu hennar.