Virði gullforða Seðlabankans yfir 13 milljörðum

Virði gullforða Seðlabanka Íslands er komið yfir 13 milljarða króna. Mikilar hækkanir á heimsmarkaðsverði á gulli að undanförnu ollu því að gullforðinn hækkaði um tæplega 700 milljónir króna í ágúst og er orðinn tæplega 13,2 milljarðar króna.

Þetta kemur fram í efnahagsreikningi Seðlabankans sem birtur er á vefsíðu bankans. Þar kemur einnig m.a. fram að gjaldeyrisforði bankans minnkaði um rúmlega 43 milljarða króna í ágúst og stendur nú í rúmum 786 milljörðum króna. Hefur forðinn því minnkað um 261 milljarð króna á árinu.