Dísilolían hækkar

Verð á dísilolíu hefur hækkað umtalsvert á síðustu tveimur vikum. Hjá Olís hefur verðið hækkað um 8 krónur á lítrann síðustu á tímabilinu og stendur nú í 262,7 krónum. Hækkunin hjá Skeljungi er enn meiri, en síðustu 10 daga hækkaði verðið um tæpar 13 krónur og stendur einnig í 262,7 krónum á lítrann.

Samúel Guðmundsson, framkvæmdastjóri vörustýringarsviðs hjá Olís, skýrir hækkunina með breytingum á heimsmarkaðsverði og gengisþróun krónunnar. Hann telur að hækkunin sé svipuð hjá öllum félögunum. Hann býst frekar við auknum hækkunum á næstunni heldur en lækkun.

Einar Örn Ólafsson, forstjóri Skeljungs, útskýrir að fyrirtækið sé nú að kaupa inn frostþolna dísilolíu sem kosti meira í innkaupum sem sumarolían. Það skýri lítið brot af hækkun síðustu daga. Hann tekur undir með Samúel að heimsmarkaðsverð og gengisþróun helgi hækkunina að mestu leyti.