Ferðaskrifstofur um allan heim bíða upplýsinga frá Íslandi

Ferðaskrifstofur um heiminn sem eiga viðskipti við Ísland bíða nú eftir upplýsingum úr fjárlögum ríkisstjórnarinnar fyrir næsta ár. Óskað hefur verið eftir því að beðið verði með hækkun virðisaukaskatts í ferðaþjónustunni en þær eru sagðar kollvarpa áætlunum fyrir næsta ár.

Tom Jenkins, framkvæmdastjóri Samtaka evrópskra ferðaskrifstofa, sagði í samtali við fréttastofu í gærkvöldi að þreföldun virðisaukaskatts í ferðaþjónustunni setji viðskipti fyrirtækja við Ísland í algjört uppnám.

Fjárlagafrumvarp ársins 2013 verður lagt fram og kynnt á fyrsta degi haustþings í dag og segir Jenkins að menn bíði agndofa eftir niðurstöðu í málinu og hvort þessi skattur komi til framkvæmda á næsta ári eins og tillögur gera ráð fyrir. Hækkunin sé yfirgengileg og þess eðils að nauðsynlegt hefði verið að gefa fyrirtækjum nokkura ára aðlögunartíma en ekki skella henni á með örskömmum fyrirvara.

Í sama steng tók John Galvin, fjármálastjóri Colette Vacations í Bandaríkjunum þegar fréttastofa hafði samband við hann. Hann bendir á að ferðaskrifstofur geri samninga við milliliði 12 til 18 mánuði fram í tímann og skyndileg breyting sem þessi hafi mjög mikil áhrif á reksturinn. Þótt hann skilji að ríkisstjórnin á Íslandi vilji afla frekari tekna sé jafn mikil hækkun sem þessi óskynsamleg að hans mati.

Fjallað er um málið í ferðatímariti breksa dagblaðsis Daily Telegraph í dag og haft eftir Jenkins að allt stefni í að Ísland verði aftur dýr áfangastaður.