Bergþóra ráðin framkvæmdastjóri hjá Fastus

Nýr framkvæmdastjóri hefur verið ráðinn til starfa hjá Fastus ehf. Bergþóra Þorkelsdóttir tekur við starfinu af Bjarna Halldórssyni, sem mun áfram starfa hjá Fastus og gegna stöðu fjármálastjóra.

Bergþóra var áður framkvæmdastjóri Líflands og Kornax frá árinu 2008. Hún hefur meðal annars starfað sem markaðs- og sölustjóri hjá Líflandi frá 2005 til 2008 og var framkvæmdastjóri Ego ehf. frá 2003 til 2005. Bergþóra er menntaður dýralæknir en hún hefur einnig stundað nám í markaðsfræðum við Chartered Institut of Marketing í Bretlandi og í rekstrar- og viðskiptafræði við Háskóla Íslands.

Eiginmaður Bergþóru er Auðunn Hermannsson, mjólkurfræðingur og mjólkurbústjóri MS í Reykjavík. Þau eiga tvær dætur.

Fastus ehf. er innflutnings- og heildsölufyrirtæki sem sérhæfir sig í sölu á tækjum og búnaði fyrir rannsóknarstofur, sjúkrahús, dvalar- og hjúkrunarheimili og aðrar heilbrigðisstofnanir, hótel, veitingastaði, mötuneyti og þvottahús. Starfsemin skiptist í þrjú meginsvið: veitinga- og iðnaðarsvið, heilbrigðistæknisvið og tækni- og þjónustusvið.