Marel lækkaði um tæp 3 prósent

Gengi bréfa Marels lækkaði um 2,93 prósent í viðskiptum dagsins en velta með bréf félagsins nam ríflega 135 milljónum króna. Gengi bréfa félagsins hefur lækkað nokkuð undanfarin misseri og er gengið nú 132. Gengi bréfa fasteignafélagsins Regins hækkaði um 1,4 prósent í dag í 268 milljóna króna viðskiptum og er gengi félagsins nú 8,69 prósent en við skráningu á markað var gengið 8,25. Gengi bréfa Icelandair Group lækkaði um 1,57 prósent í viðskiptum dagsins og er gengið nú 6,9.

Heildarvelta í viðskiptum dagsins með hlutabréfa í Kauphöll Íslands nam tæplega 515 milljónum króna.

Sjá má ítarlegar upplýsingar um gang mála á íslenska markaðnum hér.