Þrjátíu og einum flugmanni sagt upp

Þrjátíu og einu fastráðnum flugmanni hjá Icelandair hefur verið sagt upp störfum en þeir munu vinna út október næstkomandi. Þessi fjöldi er umtalsvert minni en fyrir veturinn í fyrra, en þó bætist við þessa tölu lausráðnir flugmenn sem voru nýráðnir síðasta vor, tíu talsins. Þetta kemur fram í fréttabréfi Félags íslenskra atvinnuflugmanna. Í bréfinu kemur einnig fram að þrjátíu flugstjórar hjá félaginu flytjist yfir í sæti flugmanns 1. nóvember næstkomandi.

„Ástæða fyrir aukinni þörf á flug­mönnum á komandi vetri samanborið við síðastliðinn vetur er fyrst og fremst aukin áætlun auk þess sem tilfærsla á orlofsdögum í síðustu kjarasamn­ingum hefur einhver áhrif þar á. Þá er félagið að taka í notkun Boeing 767 í leiguflugi en sú vélargerð hefur ekki verið í notkun hjá félaginu síðan árið 2010. Þessi tiltekna vél er að fara í verkefni sem áður var hjá Icelandair en var flutt yfir til Latcharter, dótturfélags Loftleiða, í útrásinni frægu árið 2008," segir í fréttabréfinu.