Viðskipti innlent

FME skoðar ásakanir Víglunds vegna B.M. Vallár

Fjármálaeftirlitið hefur tekið til skoðunar starfshætti Arion banka í endurskipulagningu á B.M. Vallá, en Víglundur Þorsteinsson, fyrrverandi stjórnarformaður félagsins, hefur haldið því fram að félagið hafi verið á svokölluðum dauðalista Arion banka.

Víglundur sendi bréf til Fjármálaeftirlitsins eftir að hafa haldið blaðamannafund þar sem hann sakaði ráðherra, einstaka starfsmenn nýju bankanna og skilanefndanna, um að hafa brotið ýmis ákvæði íslenskra laga sem refsingar eru lagðar við, í kjölfar efnahagshrunsins og þegar Arion tók yfir B.M. Vallá.

Í svarbréfi FME segir að málið sé tekið til skoðunar, eins og allar þær ábendingar sem eftirlitinu berist. Það þýðir þó ekki að slík athugun leiði sjálfkrafa til úrlausnar á málinu.


Tengdar fréttir

Segir lög brotin við yfirtöku á BM Vallá

Víglundur Þorsteinsson, fyrrverandi stjórnarformaður B.M. Vallár, sakar ráðherra, einstaka starfsmenn nýju bankanna og skilanefndanna, um að hafa brotið ýmis ákvæði íslenskra laga sem refsingar eru lagðar við í kjölfar efnahagshrunsins og þegar Arion tók yfir B.M. Vallá. Víglundur hefur boðað til blaðamannafundar í dag þar sem hann og Sigurður G. Guðjónsson munu ræða þessi mál og benda á gögn máli sínu til stuðnings, að því er fram kemur í tilkynningu frá Víglundi.

Víglundur: Arion gerði lista yfir fyrirtæki til að hafa ávinning af

Ljóst er að skuldunautum Arion banka var mismunað í uppgjöri við bankann eftir efnahagshrunið, segir Víglundur Þorsteinsson, fyrrverandi forstjóri BM Vallár. Hann segir að stjórnvöld hafi ekki farið eftir reglum neyðarlaganna, sem ríkisstjórn Geirs H. Haarde. Líklegt sé að ráðherrar í ríkisstjórn Jóhönnu Sigurðardóttur og Steingríms J. Sigfússonar, einstakir starfsmenn nýju bankanna og skilanefnda hafi gerst brotlegir við ýmis ákvæði íslenskra laga.



Mest lesið


Fleiri fréttir

Sjá meira


×

Mest lesið