Ljósmyndakeppni meðal skotveiðimanna

Skotveiðifélag Íslands (Skotvís) gengst fyrir ljósmyndasamkeppni meðal veiðimanna og áhugamanna um ljósmyndun, en samkeppnin er liður í því að byggja upp myndabanka sem verður aðgengilegur þeim sem þurfa að notast við myndir af veiðum eða veiðitengdum atburðum.

Skotveiðimenn eru hvattir til að sækja sér innblástur úr siðareglum Skotvís, sem eru tólf að tölu.

Tíu þúsund króna verðlaun verða veitt fyrir bestu myndina í hverjum flokki siðareglnanna.

"Sérstök verðlaun verða einnig veitt þeim aðila sem nær bestu seríunni að mati dómnefndar, þ.e. einni mynd í hverjum flokki – SKOTVÍS áskilur sér rétt til að nota vinningsmyndir í kynningarefni sínu og því þurfa myndir að berast í fullri upplausn," segir á vef Skotvís.

Myndum ber að skila á netfangið veidimyndir@skotvis.is

Skilafrestur er til 31. desember 2012 en nánari upplýsingar um keppnina má finna hér.