Helmingi færri gjaldþrot í júlí

Alls voru 43 fyrirtæki tekin til gjaldþrotaskipta í júlí, samkvæmt tölum Hagstofunnar. Það er meira en helmingsfækkun frá fyrri mánuði því þá voru 97 fyrirtæki tekin til gjaldþrotaskipta í júlí í fyrra. Fyrstu 7 mánuði ársins var fjöldi gjaldþrota 615, en það er um 34% fækkun frá sama tíma í fyrra þegar 938 fyrirtæki voru tekin til gjaldþrotaskipta. Flest gjaldþrot, það sem af er árinu, eru í byggingarstarfsemi og mannvirkjagerð, eða 118 talsins.

Í júlímánuði voru skráð 136 ný einkahlutafélög, flest í heild- og smásöluverslun svo og viðgerðum á vélknúnum ökutækjum. Til samanburðar voru 119 ný einkahlutafélög skráð í júlí í fyrra. Fyrstu 7 mánuði ársins var fjöldi nýskráninga 1.058, en það er rúm 6% aukning frá sama tíma í fyrra þegar 995 fyrirtæki voru skráð.