Vísa ásökunum HH á bug

Samtök fjármálafyrirtækja vísa á bug ásökunum Hagsmunasamtaka heimilanna um að aðkoma samtakanna að samstarfi lánveitenda og fulltrúa lántakenda um úrvinnslu gengistryggðra lána hafi brotið gegn skilyrðum Samkeppniseftirlitsins. Samtökin segjast hafa fylgt skilyrðum Samkeppniseftirlitsins fyrir samstarfinu að öllu leyti og þar af leiðandi sé enginn fótur fyrir þeim ásökunum sem koma fram í kvörtun Hagsmunasamtakanna.

Samtökin segja að í ákvörðun Samkeppniseftirlitsins þar sem heimild var veitt fyrir samstarfinu hafi verið tekið fram að SFF væri veitt heimild til að útvega fundarritara og aðstöðu fyrir samstarfið. Aðkoma SFF var í samræmi við þessi skilyrði. Samtökin segjast hafa átt í samskiptum við fjölmiðla og stjórnvöld um málið og sé sú aðkoma í samræmi við megintilgang hagsmunasamtaka á borð við SFF. Fulltrúar SFF hafið farið á fund dómstjóra Héraðsdóms Reykjavíkur til að óska eftir flýtimeðferð fyrir dómsmál sem rekin yrðu á grunni samstarfsins. Þessi samskipti séu einnig í samræmi við almennt hlutverk samtakanna.