Vill að FME rannsaki meint brot gegn neyðarlögunum

Víglundur Þorsteinsson, fyrrverandi eigandi BM Vallár, hvetur Fjármálaeftirlitið til þess að hefja rannsókn á starfsháttum Arionbanka og skilanefnd Kaupþings en hann vill meina að bankarnir hafi hugsanlega brotið gegn úrskurðum byggða á neyðarlögunum. Þetta kemur fram í bréfi sem hann sendi FME í dag.

Víglundur hélt blaðamannafund fyrr í vikunni þar sem hann sagði það ljóst að skuldunautum Arion banka hafi verið mismunað í uppgjöri við bankann eftir efnahagshrunið. Hann sagði ennfremur að stjórnvöld hafi ekki farið eftir reglum neyðarlaganna, sem ríkisstjórn Geirs H. Haarde setti árið 2008.

Þá taldi hann líklegt að ráðherrar í ríkisstjórn Jóhönnu Sigurðardóttur og Steingríms J. Sigfússonar, einstakir starfsmenn nýju bankanna og skilanefnda hefðu gerst brotlegir við ýmis ákvæði íslenskra laga.

Víglundur vildi meina að fyrirtæki hans hefði farið á einhverskonar aftökulista Arionbanka en því hefur alfarið verið neitað að hálfu bankans.

Hér fyrir neðan má lesa bréf Víglunds til FME.