Atvinnuleysi minnkar meira hjá konum

Atvinnuleysi meðal kvenna minnkar umtalsvert meira milli ára en atvinnuleysi meðal karla miðað við tölur Hagstofu Íslands fyrir júlímánuð. Atvinnuleysi meðal karla var 5,8% í júlí 2012 miðað við 5,5% í sama mánuði í fyrra og eykst því um 0,3%. Atvinnuleysi meðal kvenna var hins vegar 2,8% í júlí 2012 miðað við 5,4% í sama mánuði í fyrra og minnkar því um 2,6%.

Ólafur Már Sigurðsson hjá Hagstofunni segir að möguleg skýring sé að atvinnulausar konur hafi farið utan vinnumarkaðar, en fjöldi kvenna utan vinnumarkaðar hefur aukist að sögn Ólafar. Með því á hann við konur sem ekki eru ekki að leita sér að vinnu þó þær starfi hvergi, t.d. því þær hafa farið í nám.

„Þetta eru svo nýlegar tölur að ég hef ekki náð að greina þær alveg," segir Ólafur og getur því ekki skýrt þennan kynbundna mun á þróun atvinnuleysis með fullnægjandi hætti. Hann bendir hins vegar á að tölurnar byggi á úrtakskönnun en ekki heildartalningu. Þær séu því ekki nákvæmar, t.d. séu vikmörk á atvinnuleysi kvenna 1,7%.

Hann bendir einnig á að á vinnumarkaði eru árstíðarbundnar sveiflur. Þegar tekið hefur verið tillit til þeirra er atvinnuleysi meðal kvenna 3,1%.