Tilboð í dýpkun í Landeyjarhöfn miklu hærri en kostnaðaráætlun

Nú er verið að bjóða út vinnu við vetrardýpkun í Landeyjahöfn. Þrjú tilboð hafa borist og er lægsta tilboðið 211 milljónum króna yfir kostnaðaráætlun. Enn hefur ekki verið tekin nein ákvörðun um hvað verður gert samkvæmt upplýsingum frá Siglingastofnun.

Kostnaðaráætlun Siglingastofnunar er upp á 360 milljónir. Björgun ehf. hefur hingað til átt lægsta tilboðið en það nemur 571 milljón. Íslenska Gámafélagið, sem hefur að undanförnu séð um dýpkun í höfninni með skipinu Skandia, býður aftur í verkið en nú einar 596 milljónir. Sá aðili sem hefur reynslu af verkinu býður því 236 milljónum hærra en kostnaðaráætlun gerir ráð fyrir. Frá þessu er greint á vef Eyjafrétta.

Jóhann Þór Sigurðsson hjá Siglingastofnun veit ekki hvað skýrir þessi háu tilboð. „Síðustu tveir vetur voru reyndar sérstaklega erfiðir og það gæti verið að fæla fólk frá," segir hann.

Enn eru um tvær vikur þar til ákvörðun verður tekin í málinu.