Æðstiklerkur Írans kominn á Instagram

Ayatolla Ali Khamenei æðstiklerkur Írans skráði sig til leiks á myndaforritið Instagram, sem vaxið hefur ógnarhratt síðustu mánuði.

Markmið notenda forritsins er að taka myndir af áhugaverðum, og óáhugaverðum, hlutum og gera aðgengilegar fyrir vini og vandamenn. Klerkurinn er nú þegar á Twitter þar sem hann vekur mikla athygli með áhugaverðum skilaboðum og en yfir 5000 manns eru að fylgja honum á samskiptasíðunni.

Á aðeins nokkrum dögum hefur hann samþykkt yfir 750 vini á Instagram og tekið fjölda mynda. Tímaritið Forbes sagði á síðasta ári að klerkurinn væri 26. valdamesti maður í heiminum.

Facebook keypti Instagram-fyrirtækið fyrr á þessu ári fyrir 130 milljarða íslenskra króna.