Boris Johnson: Árás á London sem fjármálamiðstöð

Boris Johnson, borgarstjórinn í London, segir að bandarísk yfirvöld séu að ráðast á London sem fjármálamiðstöð með því að saka Standard Chartered bankann um stórfellt peningaþvætti fyrir Íransstjórn, en í tilkynningu frá Fjármálaeftirlitinu í New York kom fram að heildarumfang viðskipta bankans við Íransstjórn hafi numið um 250 milljörðum dala, eða sem nemur ríflega 30 þúsund milljörðum króna.

Johnson sagði í samtali við breska ríkisútvarpið BBC að bandarísk yfirvöld ættu að fara varlega í því ráðast á London, í því skyni að verja hagsmuni Bandaríkjanna, einkum New York borgar, þegar kemur að fjármálum.

Forsvarsmenn Standard bankans hafa hafnað því alfarið að hafa þvætt fé fyrir Íransstjórn. Þeir segja í það minnsta 99,9 prósent af þeim færslum sem yfirvöld í New York rannsökuðu hafa verið löglegar færslur sem ekkert hafi verið athugavert við.