Gjaldþrotum fyrirtækja fækkaði um 86 milli ára í júní

Alls voru 51 fyrirtæki tekin til gjaldþrotaskipta í júnímánuði. Þetta er verulega fækkun gjaldþrota frá því í júní í fyrra þegar þau voru 137 talsins.

Á vefsíðu Hagstofunnar segir að flest gjaldþrot í júní s.l. voru í byggingarstarfsemi og mannvirkjagerð sem og heild- og smásöluverslun og viðgerðum á vélknúnum ökutækjum.

Fyrstu 6 mánuði ársins var fjöldi gjaldþrota 572, en það er um 32% fækkun frá sama tíma í fyrra þegar 841 fyrirtæki voru tekin til gjaldþrotaskipta.

Í júnímánuði voru skráð 185 ný einkahlutafélög, flest í fasteignaviðskiptum. Til samanburðar voru 145 ný einkahlutafélög skráð í júní í fyrra. Fyrstu 6 mánuði ársins var fjöldi nýskráninga 922, en það er rúm 5% aukning frá sama tíma í fyrra þegar 876 fyrirtæki voru nýskráð.