Hafnarfjörður fellur frá forkaupsrétti í HS Veitum

Bæjarráð Hafnarfjarðar hefur ákveðið að nýta ekki forkaupsrétt í HS Veitum. Ákvörðunin var tekin á fundi bæjarráðs í gær eftir að erindi frá fyrirtækjaráðgjöf Íslandsbanka, með ósk um að bæjarráð félli frá forkaupsréttinum, var lagt fram.

„Miðað við fyrirliggjandi forsendur um að þrátt fyrir fyrirhugaða sölu muni Reykjanesbær eftir sem áður eiga að lágmarki 50% hlutafjár í fyrirtækinu telur bæjarráð ekki tilefni til að nýta forkaupsréttarákvæði í samþykktum hlutafélagsins," segir í fundargerð bæjarráðs vegna málsins.