Íslandsbanki býður 5 prósent hlut í Icelandair til sölu

Íslandsbanki hf. hefur ákveðið að bjóða til sölu 5% eignarhlut í Icelandair Group hf. Núverandi eignarhlutur Íslandsbanka nemur 19,99%. Endanleg stærð þess eignarhlutar sem seldur verður, mun ráðast af verðtilboðum fjárfesta.

Heildar virði fimm prósent hlutar í Icelandair, miðað við lokagengi á markaði í gær, nemur ríflega 1,6 milljörðum króna.

Markaðir Íslandsbanka hafa umsjón með sölu hlutanna. Sala hlutanna fer fram 21. og 22. júní í lokuðu útboði í samræmi við við c-lið 1. mgr. 50. gr. laga nr. 108/2007 um verðbréfaviðskipti.