Íslenskur bjór undir merkinu Black Death hefur verið valinn til sölu í yfir 100 verslunum Vinmonopolet í Noregi. Norskir bjórunnendur geta keypt bjórinn frá og með 7. júlí næstkomandi þegar fyrstu flöskurnar af þessum íslenska mjöð berast í verslanir í Noregi, en Black Death er bruggaður í ölgerð Vífilfells á Akureyri.
Upphaf þess að norska ríkiseinkasalan ákvað að taka Black Death til sölu í verslunum sínum var svokallað blindsmakk, þar sem innkaupastjórar og bragðgæðingar bragða „blint" á nýjum bjórtegundum. Bjórinn hlaut einróma lof fyrir gott bragð, en vörumerkið og umbúðirnar vöktu líka athygli. Forsvarsmenn innflutningsaðilans í Noregi telja að umbúðirnar eigi eftir að höfða til Norðmanna - ekki síst áhugafólks um þungarokk.
Það var þann 1. mars síðastliðinn að norska áfengisverslunin tilkynnti að íslenski bjórinn hafi orðið fyrir valinu. Hann var því í raun samþykktur í sölu í Noregi áður en hann fékk brautargengi á sínum eigin heimamarkaði - Íslandi. Black Death verður auk þess fáanlegur í margfalt fleiri verslunum þar ytra, en hann er aðeins að finna í þremur vínbúðum ÁTVR, eins og er.
Svarti dauði í útrás
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
