Hvergi betri hlutabréfaávöxtun en hér á landi

Ávöxtun á skráðum hlutabréfamarkaði Nasdaq OMX Nordic hér á landi frá síðustu áramótum hefur verið betri en víðast hvar annars staðar í heiminum, þegar hlutabréfavísitölur eru bornar saman miðað við stöðuna eins og hún var í gær. Þannig hefur OMX vísitalan hér á landi hækkað um 12,92 prósent frá áramótum, á meðan hlutabréfamarkaðir í Bretlandi og Frakklandi hafa sýnt neikvæða þróun frá áramótum. Lækkunin hefur verið um 0,8 prósent í Bretlandi og þrjú prósent í Frakklandi.

Vísitalan sem kemur næst á eftir þeirri íslensku er sú danska en þar hefur hækkunin verið 11,2 prósent frá áramótum. Nasdaq vísitalan bandaríska hefur hækkað um 10,3 prósent á sama tímabili.

Víða á Norðurlöndum og í Evrópu hafa vísitölur lítið hækkað. Þannig hefur vísitalan í Noregi hækkað um ríflega eitt prósent, sænska vísitalan um 0,42 prósent og finnska vísitalan hefur þróast á verri veg en allar aðrar, eða lækkað um 6,35 prósent. Meðaltalið á Norðurlöndunum er hækkun upp á 1,95 prósent. DAX vísitalan í Þýskalandi hefur hækkað um 5,61 prósent sem er áberandi best meðal stórþjóða Evrópu.

Sjá má yfirlit yfir stöðu helstu vísitalna hér að neðan, samkvæmt upplýsingum sem fengnar eru frá Nasdaq OMX Kauphöll Íslands. Undir „Change" eða breytingu, má sjá hvernig þróunin hefur verið í prósentum talið í hverri kauphöll fyrir sig.

Symbol		Index Value	Index Value	Change
		27.6.2012	30.12.2011
OMXC20	Copenhagen	433,6316908	389,9489453	11,20%
OMXH25	Helsinki	1818,768942	1942,064663	-6,35%
OMXI6ISK	Iceland	1027,221573	909,6610198	12,92%
OMXN40	Nordic	917,3172614	899,749332	1,95%
OMXS30	Stockholm	991,9729841	987,8530742	0,42%
OBX	Oslo	361,48	357,6	1,09%
FTSE 100	London	5523,92	5572,28	-0,87%
CAC 40	Paris	3063,12	3159,81	-3,06%
DAX	Frankfurt	6228,99	5898,35	5,61%
NASDAQ Comp	U.S.	2875,32	2605,15	10,37%
S&P 500	U.S.	1331,85	1257,6	5,90%
Dow Jones	U.S.	12627,01	12217,56	3,35%