Vörukarfan hækkar í verði hjá öllum nema Krónunni

Vörukarfa ASÍ hefur hækkað þó nokkuð milli verðmælinga verðlagseftirlitsins í mars og nýjustu mælingar nú um miðjan júní. Á þessu þriggja mánaða tímabili hækkaði vörukarfan frá 1.4% til 4.4% hjá öllum verslunarkeðjum nema Krónunni en þar má sjá örlitla lækkun.

Hækkanir eru í öllum vöruflokkum hjá flestum verslunum nema í kjörvörum, en þar lækkar verð hjá 6 verslunum af 8.

Þá hækkaði vörukarfan mest hjá Samkaupum-Strax eða um 4.4 prósent, Hagkaupum um 3.4 prósent og Samkaupum-Úrvali um 3.2 prósent. Hjá Krónunni lækkaði verðið hins vegar milli mælinga eða um 0.1 prósent.