Allt á niðurleið hjá RIM

Svo virðist sem að dagar Research in Motion, framleiðanda BlackBerry snjallsímanna, séu taldir. Síðasti ársfjórðungur var afar erfiður fyrirtækinu og er talið að um 5 þúsund starfsmönnum verði sagt upp á næstu dögum.

Í uppgjörinu kemur fram að tap fyrirtækisins á síðustu þremur mánuðum hafi numið 334 milljónum dollara eða rúmlega 41 milljarði íslenskra króna. Á sama tímabili í fyrra hagnaðist RIM um 87 milljarða króna.

Þá tilkynnti Thorsten Heins, framkvæmdastjóri RIM, að fyrirtækið myndi fresta útgáfu BlackBerry 10 stýrikerfisins. Talið er að stýrikerfið fari ekki á markað fyrr en snemma á næsta ári.

Síðustu mánuði hafa verið afar erfiðir fyrir RIM. Fyrirtækið berst í bökkum við að halda í notendur sína sem nú horfa í meira mæli til iPhone og Android snjallsíma.

BlackBerry 10 var hugsað sem síðasta tækifæri RIM til heilla notendur. Sérfræðingar telja að frestun stýrikerfisins komi til með að hafa skelfilegar afleiðingar fyrir fyrirtækið enda mun Apple kynna nýjan snjallsíma, iPhone 5, seinna á þessu ári.