Neyðarlán Spánar jákvæð fyrir Íslendinga

Það að Spánn fái fjárhagsaðstoð er að vissu leyti jákvætt fyrir Íslendinga, segir Már Guðmundsson, Seðlabankastjóri. Evrukrísan hefur slæm áhrif á Ísland, sem fyrst og fremst koma fram með því að hér verður veikari útflutningur, verri viðskipti, minni bein fjárfesting til landsins og þar af leiðandi verður erfiðara að afnema gjaldeyrishöftin.

„Evrukrísan hefur náttúrlega neikvæð áhrif á Íslandi og því hefur allt sem er gert til að draga úr henni þá áhrif með jákvæðum hætti," segir Már.

Fjármagnsaðstoðin til Spánar er liður í að taka á Evrukrísunni en vandinn sem við er að etja verður þó til staðar eftir sem áður. „Þetta hefur því engin stórkostleg áhrif hér á landi," segir Már.