Viðskipti innlent

Sigurður ekki enn greitt 500 milljóna króna skuld

Magnús Halldórsson skrifar
Sigurður sést hér ásamt verjanda sínum í dómsal, Gesti Jónssyni hrl.
Sigurður sést hér ásamt verjanda sínum í dómsal, Gesti Jónssyni hrl.
Sigurður Einarsson, fyrrverandi stjórnarformaður Kaupþings, hefur enn ekki greitt ríflega 500 milljóna króna skuld sína við þrotabú Kaupþings en hann var dæmdur til þess að greiða þrotabúinu þá fjárháð um miðjan maí síðastliðinn, vegna tíu prósenta persónulegrar ábyrgðar hans á um fimm milljarða króna skuld.

Sigurður hefur ekki áfrýjað dómi Héraðsdóms Reykjavíkur til Hæstaréttar, en hann hefur þriggja mánaða frest til þess að áfrýja frá því dómur fellur, eða fram í miðjan ágúst.

Héraðsdómur Reykjavíkur samþykkti samhliða dómnum kyrrsetningargerð sýslumannsins í Reykjavík sem fram fór í júlí 2011. Þá var eignarhlutur Sigurðar í húsi að Valhúsabraut 20 á Seltjarnarnesi kyrrsettur, sem og jörð hans og sumarhús á Stífilsdal og eignarhlutur í Hvítsstöðum ehf.






Fleiri fréttir

Sjá meira


×