Maðurinn sem þurfti „á endurmenntun að halda“ heldur erindi í Hörpu

Maðurinn sem Þorgerður Katrín Gunnarsdóttir, þingkona Sjálfstæðisflokksins og fyrrverandi ráðherra, sagði að þyrfti á endurmenntun að halda vegna ummæla sinna um bráðavanda íslensku bankanna sumarið 2008, og að stjórnvöld þyrftu tafarlaust að bregðast við, heldur erindi á ársfundi Bankasýslu ríkisins sem hefst klukkan þrjú í dag.

Maðurinn heitir Richard Thomas og er sérfræðingur Bank of America Merill Lynch bankans, en Bank of America eignaðist Merril Lynch í hremmingunum sem gengu yfir alþjóðlega fjármálamarkaði á árunum 2007 til 2009.

Þorgerður Katrín bað hann afsökunar á ummælunum, í ljósi þess hvernig fór fyrir bönkunum, sem hrundu eins og spilaborg dagana 7. til 9. október 2008.

Thomas skrifaði einnig greiningar um íslensku bankanna árið 2006 sem ollu því að margar fjármálastofnanir fóru að beina sjónum sínum að Íslandi og efast um að vöxtur bankakerfisins íslenska væri á eðlilegur.