Máli gegn Tchenguiz verði hætt

Gert er ráð fyrir að efnahagsbrotadeild bresku lögreglunnar, Serious Fraud Office, tilkynni í dag að stofnunin muni hætta rannsókn á máli Vincents Tchenguiz. Rannsóknin snýr að viðskiptum hans við Kaupþing banka, en bræðurnir Robert og Vincent voru á meðal helstu skuldara bankans. Stofnunin hefur meðal annars verið sökuð um að hafa beitt húsleitarheimildum við rannsóknina án nægilegs tilefnis. Breska blaðið Daily Telegraph býst við því að stofnunin sendi i dag frá sér yfirlýsingu þar sem útskýrt verði hvað fór úrskeiðis í rannsókn á málið Vincents. Telegraph segist jafnframt gera ráð fyrir að málinu gegn Robert verði haldið áfram um sinn.