Íslenskt sprotafyrirtæki semur við Microsoft

Íslenska sprotafyrirtækið Live Shuttle hefur náð samkomulagi við Microsoft um að þjónusta þess verði hýst í Azure skýi tæknirisans.

Live shuttle býður upp á þjónustu sem gerir snjallsímanotendum kleift að deila reynslu sinni með öðrum. Þannig verður hægt að safna ljósmyndum og öðru saman á einn stað og deila með umheiminum.

Live Shuttle tryggði sér nýverið þátttöku í frumkvöðlaverkefninu Startup Reykjavík þar sem fyrirtækið fær 2 milljónir króna, aðstöðu og aðstoð yfir 50 frumkvöðla úr atvinnulífinu.

Tilraunaútgáfa af hugbúnaðinum mun fljótlega líta dagsins ljós en hægt er að skrá sig til þátttöku í verkefninu á heimasíðu Live Shuttle.

Þeir sem hafa áhuga á að kynna sér Azure nánar geta mætt á frumkynningu Microsoft Íslandi á Grand hótel á morgun. Nánari upplýsingar má finna hér.